Lamunan

Geuning hirup teh durang duraring

aya bungah aya sedih

kasusah teu reureuh-reureuh

komo cumpon tina kahayang

mangsa bungah

kokomoan lir manggih mulud

Geuning hirup teh heuheuy jeung deudeuh

kahayang manggunung-gunung

kabingung teu manggih tungtung

sumpek heureut na pipikiran

nalangsa hate nu nyaah

harepan bati lamunan

Geuning hirup teh nunang nunaning

lalaguan jadi panyombo

hariring ukur panggeuing

kapeurih teu euih-euih

mun seug beak kasabaran umur tandon pangharepan